Author: Meddx Allergy Team

食魚生、生蠔都會爆蕁麻疹？

「去泰國旅行，梗係食生蝦，又平又抵食！」、「深圳啲生蠔成隻手掌咁大，價錢平，最少都食半打啦！」疫情過後，喜歡旅遊離港覓食的港人，一定離不開北上及在東南亞周圍覓食，但小心滿足口腹之欲的同時，亦有機會引致俗稱風癩的蕁麻疹爆發。

點解會出現蕁麻疹？除了飼養寵物或肝炎帶菌者較易出現蕁麻疹外，寄生蟲感染亦是主要成因，雖然香港衞生水平高，但港人在旅遊時嗜吃魚生及生蠔，會增加了腸道感染機會；除此之外，一旦感染諾沃克病毒（諾如病毒）或輪狀病毒而引致腸胃炎，也有機會爆發蕁麻疹。

蕁麻疹爆發時，皮膚出現紅疹腫塊，異常痕癢，非常影響生活質素，很難集中精神工作及學習。由於皮膚內的肥大細胞受到刺激，便會釋放組織胺，導致皮膚血管擴張，繼而長出紅疹腫塊，使患處非常痕癢。

一般情況下，蕁麻疹會隨著時間慢慢消失，但因它爆發時會嚴重影響日常生活，除了覓食時要光顧具信譽店舖減低風險外，亦可進行最新一代IgE過敏測試找出致敏原，了解自己會對哪些食物及環境等致敏原會產生過敏反應，從而安排合適的生活方案，避免打亂自己日常生活。